هودي إلك.. للكاتبة والاديبة اللبنانية سعدي جرمانوس فرح

الشمال نيوز – عامر الشعار

بقلم الكاتبة والاديبة اللبنانية سعدي جرمانوس فرح ،،،،
هودي إلك .
عم جمع قصايد معتقه بخوابي النبيذ بحروف العاطفه يلي عايشه بالقلب …
وكلماتها بريشه معطره من حبق وياسمين.
بكتب عن الأمل.
عن الحب يلي بعدو مسافر والناطرينو كتار
تركو صورهن معلقه بعبّ الشربين وركبو الوقت تا يلحقوه
والنطره طالت والفرحه عّم بتدوب وبدها تخلص متلها متل العمر.
كتبتك عا ورقه سارحه عاسطح البحر وسألتها تا تروح لبعيد وتجبلي منك غمرة مواعيد،
كتبتك عا جببن القمر يلي بيشبه جبينك.
لح ضل اكتبلك وارسم صور عا شجرة الوعد تا تقلك هودي دموع الفرح ونغم مشتاق لعيونك يلي مليانه دفا.
زهور الحقل بتغنيلك بتناديلك والصدى بيرجع تا يقلك…
هودي كلون إلك؟