رئيسة جمعية جنة المحبة ريما جلول الحسيني تجتاح الأحياء المنسية بإنسانيتها

الشمال نيوز – عامر الشعار

مبادرة إنسانية تتجدد في قلب رئيسة جمعية جنة المحبة الاجتماعية الخيرية السيدة ريما جلول الحسيني عقيلة العقيد في أمن الدولة خالد الحسيني، مع تخبة أركان الجمعية ، فهذه المبادرة تكللت بالنجاح والانسانية ، في أحياء فقيرة ومعدومة غابت عنها كل معالم الانسانية والمساعدات وحتى الجهات المعتية والوزارات المختصة وحضرت ريما جلول الحسيني مع رفيقاتها لتقدم ما تيسر من ملبوسات والغاب وحاجيات وهدايا لهؤلاء التاس المختبئين خلف عتبات النسيان .. 

السيدة ريما جلول الحسيني عبرت بكلمات مؤثرة على صفحتها الخاصة وكتبت تقول :

ما بعرف والله شو بدي قول .. بدي قلكم عملوا متلنا وما تنتقدونا .. بدي قلكم اليوم جمعنا غراض كتير .. رتبناهم تياب للأطفال للسيدات للرجال .. ٣٠٠ صحن قدملنا ياهم إحدى المطاعم .. الله يجزيه كل الخير .. ألعاب للأطفال .. حرامات شتوية وصيفية .. أغراض منزلية .. كلنا عنّا أغراض ببيتنا .. ما بقى تعنيلنا .. ضجرنا منّا .. بس في ناس كتير بحاجة إلها .. بتحرق القلب هي وعم تاخد الغرض .. بتدعيلك لولد ولدك .. يا عمّي والله فيه ناس عايشة من قلّة الموت .. تنافسوا معنا على عمل الخير .. خلونا إذا بدكم نتساعد ونساعد إخواتنا بالإنسانية .. مناظر بتبكي .. نحنا رحنا اليوم على منطقة إسمها الغربة قريبة من باب التبانة .. الناس ساكنة مع المقابر .. يعجز اللسان عن الوصف .. يعجز القلم عن التعبير.. بتشعر من قلبك بحرقة وغصة .. بتشعر قلبك عم يبكي .. بتصير ماشي ومش شايف قدامك .. وبتقول الله يستر آخرتنا .. الله يتلطف فينا .. حسبي الله ونعم الوكيل ..
وكما قال الإمام علي رضي الله عنه “لو كان الفقر رجلاً لقتلته”