خواطر مغترب و شو بدنا نقول لنقول
الشمال نيوز – عامر الشعار
كم تساءلنا و ما زلنا، و تعجبنا من تثاقل خطواتهم و عدم تصدّيهم لوقف الإنهيار
تحاصصوا و تخاصموا بحديّة
و لكن عن الإنهيار كانوا يخبروا أخبار، و ما حدا قدّم أي حلول جديّة
و البلد كل يوم عم تتدهور أكثر بالمهوار
و الناس خسرت أشغالها و ما في حديث إلا طلع الدولار و نزل الدولار
و يلَي عم يشتغل ما عاد قادر يشتري أكل لأولاده من قد ما طلعت الأسعار
و يلّي ما عم يشتغل كيف عالمعتر و من وين بطعمي أولاده، و هو بهالحالة من الفقر و الشحتار
و يلّي معهم مصاري، البنوك حجزت عليها و مين سمح إلهم بهالقرار؟ و مصاري الناس طارت يا ستّار
و كل اللي عم بصير ما رفّلهم جفن، و حتى بعد ما صار الإنفجار
و التحقيقات جرت من مئة جهة دولية و لبنانية، و مرّت شهور و لسه ما صدر القرار
و نحنا من ثاني يوم قلنا و بالحرف الواحد ” مرفأ بيروت يتدمر بينما مرفأ حيْفا يتعمّر ”
و شو بدنا نقول لنقول، هيدا كلّو غير معقول
هذا كله حصل و عم يحصل و أنتم عم تتصارعوا على تقاسم المغانم و مش شايفين إنو مغانم البلد كلها ذابت و تبخرت بجيوبكم، و شكوانا فيكم للعزيز الجبار
هذه المواقف لا تنم عن رجولة و نخوة و أمانة، و ليس لها مثل التاريخ ولا سمعنا عنها لا بالأغاني الشعبية و لا بالأشعار
و الظاهر مطلوب منكم أنكم تكملوا الإنهيار
و مانعين أي حركة أو حتى تصليح الجور بالطرقات و المؤسسات عم بتعذب بالناس و شو هالإستهتار
و بحجة الكورونا، موظفي الدولة عم يشتغلوا يومين بالأسبوع بحجة المداورة، و بهاليومين بيشتغلوا للظهر، يعني اليوم بنصف نهار
و الموظفين يلّي توظفوا قبل الإنتخابات كتنفيعات ال١٥ ألف و يلّي قلتوا بدكم تصرفوهم و توفروا على الخزينة، و لماذا لم يُصرفوا لحد الآن و لماذا الإنتظار؟
كيف ما بيطلّع عليكم الإنسان بشوف أنكم عالة و مصيبة على البلد و قديش خسّرتوا الدولة على حراساتكم و سرقاتكم و منكم مَن سبّب الإنفجار
و أنا عم إتخيلكم كيف عم توقفوا أمام المرآة طويلاً قبل خروجكم من بيوتكم و ترتبوا كرافاتاتكم بخيلاء و افتخار
لأنكم استطعتم خديعة مَن تمثلوهم و ما زلتم تركبون على ظهورهم حتى بعد أن أفلستموهم و خرّبتم البلد على رؤوسهم، و هذا بالنسبة لكم أكبر إنتصار
أنتم أخطر من وباء كورونا لأن أغلب الناس تُشفى منه، أما أنتم وباء ليس منه فرار
حاولتم دعم السلع فخسر المركزي ١١ مليار، ذهبت معظمها للمحسوبين من التجار
المشكلة بلّشت من لمّا ما عاد عنّا عملة صعبة و دولار
فِتّوا بقضية دعم ٣٠٠ سلعة و خسّرتونا بغبائكم و قلة فهمكم ال١١ مليار
و ما حدا من الفقراء استفاد منهم غير المحسوبين من التجار
كان المطلوب تدعموا ٢٠ سلعة أو أكتر شوي فأسأتم الإختيار
فهل نظرتم إلى غبائكم الذي زاد بلاءنا و نزّلنا إلى المهوار
البلد ليس بحاجة أغبياء بل إلى أصحاب خبرة و من الشطار
فأنتم منحوسين، فزيحوا من أمام الحظ حتى لا تسببوا لنا المزيد من الدمار
#mostafaadib_official#mustaphaadeeb#melhemkhalaf#hassandiab#hassandiabsupporters#paulayacoubian#lebanontimes#lebanon#tripoli#beirut#livelovelebanon#lebanese#livelovebeirut#whatsuplebanon#beiruting#revolution#lebaneserevolution#lebaneseprotest#mauricematta#riadtawkofficial#samy_gemayel#wassefharake
#saadhariri#rima.maktabi#dimasadekofficial
