ماريا… حين قبّلَ الصوتُ المعنى

الشمال نيوز

ماريا… حين قبّلَ الصوتُ المعنى

✍️الشاعر نبيل ويزاني العاملي

ماريا…
نقطةُ ضوءٍ نزلت
من بين ضلوع الغيم
واستراحت
في راحةِ يدٍ خبِرتِ الميكروفون
قبل ما تعرف الحليب.
اسمُكِ
همسةٌ عم تتعلّم النطق،
والدنيا كلّها
قريبة من خدّك.
تبكي؟
لا…
هيدا صوتُ الولادة
عم يجرّب الحياة
لأوّل مرّة.

جدّكِ عامر
ما حملكِ…
هو حملَ الزمن كلّه
وقرَّبُ من قلبه.
صقرُ الإعلام
نزل عن المنبر
وصار حضنًا،
الكلمة صارت قبلة
والخبر
صار دمع فرح.
عامر أخوكِ
واقف حدّكِ
مش بالصورة…
بالقدر.
وإنتِ
ماريا
قصيدة عم تنكتب
مش بالحبر
بالنَفَس.
تهانينا لأهلكِ
للبيت اللي اتّسع فجأة
وصار أوسع من الجدران.
وخصوصًا
لجدّك…
لما قبّلك
سكتَ الصوت
وحكى المعنى.

نبيل علي ويزاني