من هيك ضاع كل الكلام

الشمال نيوز – عامر الشعار

بقلم الكاتبة والاديبة اللبنانية سعدى جرمانوس فرح ،،،،
،لما الوعد .

سكنت ببالها..
من وقتها سافر الوعد
بدنيا الخيال ..
تا يضوي عتم الأيام
بأجمل صور..
صار الشجر يطلع
لا فوق السحاب
والقمر يغمر الضجر ..
كنت الوعد كنت الأمل
للمجد شافت فيك حالها ..
كنت الزهر ‘وكل العطر
بعصافير عّم تلعب
عا مرج الدلال..
وعدها ألك اكبر
من مملكة الغنى
من حلم طفل
عّم يضحك للملاك
وعدها وعد الصدق …
وعد العنفوان المحال
خابت ظنونها ..
عربش الزعل عا رموشها
لما الدمع بلل عيون الجمال
نزل الضباب ..
عا عرس ألوفا وقال :
وعدها ألك ما بيشبهك
من هيك ضاع كل الكلام.

” “