شروقية الدكتور مروان كساب للدكتورة بهية ابو حمد أحدثت ضجة أدبية
الشمال نيوز – عامر الشعار
شروقية الدكتور مروان كساب للدكتورة بهية ابو حمد أحدثت ضجة أدبية
يا ست بهيي اسمحيلي قول هالابيات
أبيات خلقت بعطر الشعر معجوني
انت البهيي وبهاك هشل العتمات
المش رح يكونو بمحل الفيه بتكوني
انت البهيي يا زيني مزيني الستات
بعقلك الواعي البيحكم حكم قانوني
انت البيهيكل حلاك ضويت الشمعات
ومجد المواهب بعنقو معلقك قوني
انت النكرت تجاه الغير حب الذات
حملت الرسالي وما ممكن قدسها تخوني
رسالة الشعر اللي هي من اعظم رسالات
الفيك استعانت واخدت منك معوني
حتى حنين الأدب وبكل المناسبات
من خبز شعرك لجوعو يجمع الموني
وايا وليمة شعر فيها وحي وآيات
الا وما كانت لك وبالفضل مديوني
وايا قصايد جميلي انحكيت بحفلات
الا وما كانت بوصفك روح مجنوني
وايا دروع وحلا نياشين وشهادات
الا وما كانت لأمرك دوم مرهوني
وكلما شكرنا الدروع لصوب سدني جات
تقول الدروع شكروا الناس اللي جابوني
وعرفت فضلك علينا بكل هالاوقات
الفيها زرعت المنابر عطف وليوني
وهون اسمحيلي بمد وجزر خود وهات
احكي البقلبي انا وعم تدمع عيوني
ضلك محلك يا شمس النور والهالات
انت اللي فيك عا عمري واكتر تموني
ونورك الباهي شو همو قد ما الغيمات
تسرج رياح الغدر وتزيدها رعوني
وهون اسمحيلي تا اختمها بهالكلمات
ولنو تا سدد قسط واحد من ديوني
لو البحر عربد عا حالو وزاد الهجومات
عا شط جوني بنوايا كتير ملعوني
من الموج ذاتو بترجع تنسمع اصوات
شو هم جوني الحصيني من بحر جوني
