التضحية مراية المحبة
الشمال نيوز – عامر الشعار
*الحب والمحبة*
#كلود_ناصيف_حرب
التضحية مراية المحبة
واذا المحبة كانت بدون
تضحية المراية بتنكسر
***
بس كون حدك بشتقلك .
بس كون بعيدة عنك بشتقلك.
ما عندي أصحاب
الا الحنين لعيونك الغاليين.
بتأمل فيهن وبشكر الله عليك لأنو عطاني قصيده
ما كتبتها بإيدي.
وكلما تطلعت بجفونك
بتطلع من قلبي تنهيده.
وهيك #بحبك.
***
ما بحب اسمع صوتك
إنت وزعلان.
لا تحاكيني إلا
إنت وعم تضحك.
لا تقلي كلمه ما فيها فرح.
بيعذبني صوتك إذا انجرح.
ما تعودت إلا كون
متل السنونو عا إيديك بطير من ضحكه لضحكه.
هيك أنا #بحبك…
وهيك بدي روحك
معي تحكي…
أنا غابة حنين وإنت المطر
أنا السما وإنت القمر.
أنا البحر وإنت السفر.
ارسمني أميره بقلبك وازرعني شجرة ورد
عا شباك السهر .
وهيك #بحبك ⚘
***
هالضحكه الغاليه عا قلبي.
خبيتها بكتب الأحلام،
وصوتك غنيه .
وقصر للأميرة الحلوه.
بيسألوني الناس إذا كنت بحبّك.
ما بعرف وبخاف
إني قول،
وشو بقول؟
إنت ساكن روحي،
وأنا ما عدت أنا.
صرت إنت إنت إنت.
وكل العالم إنت.
وهيك #بحبك
ღི♥ྀღ
وفي عقلي وفي قلبي ..
أنْـت ، وَأنْـت ، وَأنْـت ♥
كلود ناصيف حرب
