رسالة شكر إلى اللواء الركن محمد خير من نحاس
الشمال نيوز – عامر الشعار
الحمدلله طلعلنا حدا بيفهم
طلعلنا حدا قلبو على ولادنا
طلعلنا حدا حس بالاهالي يلي قاعدين على اعصابن كرمال ولادن
طلعلنا حدا بيقدر شو يعني ولد بالغربة
طلعلنا حدا عندو كرامة
طلعلنا حدا عندو انسانية
طلعلنا حدا عندو شهامة
اللواء خير الف شكر على متابعتك القضية
الف شكر على ذهابك الى بولندا كرمال اجلاء الطلاب اللبنانية
يلي دولة بامها وابوها ما عطوها ولا لحظة من وقتن
لان للاسف قاعدين بس عم يخططوا كيف يزيدوا السرقة والنهب
قاعدين بس همن كيف يطلعولنا قرارات وفزلكات
بس يا ريت تضل متابع هالاطلاب لان اكبر حرام تروح سنة او بالاحلى سنين من عمرن تعبوا ودرسوا وبعدوا عن اهاليهن كرمال يحققوا امنياتن ويرجعوا متخرجين
الغربة صعبة بس الاصعب يرجعوا على بلدن يحسوا بغربة اكبر
الله يصطفل فيكن وان شاءالله بتلاقوها بولادكن يا لصوص بلدي
بس هيك اوك
موقع اخبار لبنان من الشمال
الناشطة الاعلامية
منى ياسر نحاس
