الزميل سايد مخايل: كيف ما الحياة تكر حالا فيك

الشمال نيوز  – عامر الشعار

كتب الاعلامي الزميل سايد مخايل من استراليا هذه الكلمات المميزة قال فيها:

كيف ما الحياة تكر حالا فيك

اوقات بتحس الفرح هونيك
مطرح ما الله بالسما قاضي
بتهرب من سنين ل عم تبكيك
وانت عليها بالوجع ماضي
خليك ضو بهالعتم خليك
وضلّلك ع كلشي زغير متغاضي
لا تنكز الجرح لْ عم بيأذيك
وخلِّي المضى يبقى مع الماضي
وعا قد ما الله عمر يعطيك
ما تمرِّق الايام عالفاضي
كيف ما الحياة تكرّ حالا فيك
المفروض تبقى عالدِّني راضي ..