الشاعر المغترب وسام زيدان وأجمل الأبيات الشعرية : يُرحم زمان المجد يا لبنان

الشمال نيوز – عامر الشعار

كتب الشاعر المغترب وسام زيدان على صفحته الخاصة ابياتا” شعرية جاء فيها :

” لبنان كان وما بقى لبنان “
بيت أنبنى من غابر الأزمان
سياجو المجد والمعرفة عنوان
التاريخ ثوبو شال منّو وْفَلْ
الغازي عاشطو شكّ راسو وْذلْ
بْنبعو النّقي الإبداع ريقو بَلْ
نور القمر بِشلوح أرزو غلْ
بْطيّة حجارو سنين عاشو الكل
بْعسر وْيسر والخِل جنبِ الخل
فَجأة التعصْب نار فوقو حَل
وْهلْ كان أول بيت للإنسان
” لبنان إسمو وما بقى لبنان “

وشْجرة بْحِما اَلسياح مزروعة
فوقا هضاب وتحتها نْبوعا
أغصانها تْمنطعشْ متّحدين
بْتشلي نضارة وْراقها تلاوين
جار الزّمن والْفاس ما بيلين
بْأرض الأنا الأغصان سكرانين
نبع المحبّة نشّف منِ سنين
شِكْيتْ صفعها الرّيح الله يْعين
الورقة قبيلة الغصن دولة وْمين
مين الْجريء يقول باغضْ مين
هيذي نتيجة دين يِنطح دين
يبِست الْشّجرة وهرهروا الأغصان
“لبنان كان وما بقى لبنان”

ما عِدت إلنا ومْلكنا يا بيت
هْديناك حربْ الفخرْ إلنا هْديتْ
تْرابكْ شِكي بْاب الْفُراقْ فْتحتْ
مطرح ما رحُنا إنْت معنا رُحتْ
صرلك سنين بْتصرخْ وما شْلحتْ
ثوب الآسى بْجرحة ألم رَندحتْ
صرلك سنين منِ القهرْ ما ارْتحت
حطوك تحت وْقيمتك مش تحت
صرلك سنين الكُفر ينحتْ نحتْ
رَقصوا عا دمّكْ إنت وحدكْ نِحتْ
صاير شريعة غاب ليش سْمَحتْ
وصرلك سنين مْصايب وحرمان
” يُرحم زمان المجد يا لبنان “