إغتراب

تا تفتح عيونك عا نغمة حنيني

الشمال نيوز – عامر الشعار

تا تفتح عيونك
عا نغمة حنيني،
وبدموع الورده اكتبلك.
وهيك أنا بحبك.


اشتقت لعيونك وهمساتك ونبض قلبك حدي.
يا الانت بعيد وقريب،
كيف هيك
بتزورني باحلامي،
وما حدا غيرك ضحكة ايامي؟… وكيف ما بحبك؟
فتحت عيوني ع وردة الأحلام وهيك أنا بحبك .


ليش الزعل بعيونك
يا ناطر المواعيد؟
مرق العيد. وراحو البياعين وطيور الحور العالي.
وبعدك ببالي.
بيتك قلبي.
وخيمتك شالي.
وهيك بحبك.


زارني الحلو،
وكانت الصبحيه قهوه وغنيه.
تاري الاحلام بتبقى احلام. مين بيفسرها؟ مين بيبعتلي جناحين تا طير من هون لعندو، واحكيلو، وقلو حبيبي، ونمشي سوا بمدن غريبه.
ما حدا يعرفنا الا الغيم والقصايد… والشمس القريبه؟
وهيك بحبو .


ذكريات ليالينا، وخايفه هالقنديل يخبّر الجيران شو حكينا، وكيف التقينا وحبّينا… وكتبنا عالورد أسامينا.

كلود ناصيف حرب

مقالات ذات صلة

زر الذهاب إلى الأعلى