الشمال نيوز – عامر الشعار

عيد_الأم ❤

يا أمي الرب يحميكي …
كلمة كلود ناصيف حرب في صالة كنيسة سيدة الرقاد دونسايد سيدني
شكرا لدعوة الأحباء الأب طوني ويسرى بو شعيا…
بْشهر العَدرا، كلّ النُور والعطْر والجمال من تيابك يا إمّي… إنتي الشمعه المضويّه بعتم الليالي… إنتي الملاك الحارس اللي بيرافقني عا دربي، وبيحْميني بالإيّام الصعبه.
بتذكّرك وأنا عاشطوط البعيده، وحنيني لكي قصيده. إنتي وعم بترتّبي الزمان، والخبز المِن إيديكي لاحقني، وصوتك الرَّقيق… متل معزوفة عصافير بالحور العتيق. وإيديك مرجوحه لقلبي، وأنا طفله زغيره عم تلعب تحت رمش عيونك…
هيك أنا حبّيتك، وهيك رح ضلّ حبّك… ولأنّو عيدِك هوّي عيد العدرا… بْوصّيها فيكي، تا الخير تعطيكي… ومن قلبي ببعتلك سلام عا جناح الحمام. وبقلك: يا إمي الرب يحميكي، ومعي يخلّيكي وردة الحب والحنين… ويخلّيلي هالبسمه الأرق من النسمه… عا طول السنين… عا طول السنين… من الرب بطلبلِك… آمين.

كلودناصيفحرب ⚘