إغتراب

قولك ليه هيك تغير لون الفرح ..!!

الشمال نيوز – عامر الشعار

كتاباتي مراية قلبي.

#كلود_ناصيف_حرب

قولك ليه هيك
تغير لون الفرح
شو صار ت ما عاد
يزهر في موسم الربيع ..
يمكن من شتي الايام
والبرد القارس
وضجر الأحلام
ووجع الغيابيمكن من قوة الشمس وحرارة الصيف ..
يمكن قد ما غرد
عصفور الصباح انبح صوتو
وما سمعو إلا صدى .رح جرب من جديد
اقطف حروف من ذهب مطرح ما شلحت عطرك
يا حب ع شالي الأخضر ولونت شجر الخريف
بعطر الورد.يمكن بالموسم اللي جايي يرجع معي كل اللي غاب وارجع قلك يا قمر المواعيد وقلك انت انت انت
وحدك … كل العيد.
***
#كلود_ناصيف_حرب
هالسنه ناقصه كلمه.
لا انت بتقولها لا انا .
لانو اللي بيني وبينك
أكبر من كل المشاعر.
أغمق من التفكير .
بيني وبينك كتاب صلا.
ايه كتاب صلا وعبادة..
وروح بتسافر.
بقطف الزهره الحمرا وبسأل:
بحبك؟
ما بحبك؟
أكيد بحبك
واكتر من بحبك بكتير.
يا حبيبي الأمير.
يا فرحي الكبير.
وهيك #بحبك.

مقالات ذات صلة

زر الذهاب إلى الأعلى