حروف من كلود ناصيف حرب الى سايمون حرب

الشمال نيوز – عامر الشعارحروف من
كلود ناصيف حرب الى سايمون حرب
✍✍?
أهدي حروفي وتمنياتي وتحياتي لرفيق الدرب سايمون حرب وبشكرك ع كل فرح بحياتي هدية منك شكرا ….
إذا هديتَك من عمري عمر، ومن روحي غمْر،
ما بوفّيك ،،
حبَّك الغالي عا قلبي.
يا أمير الزمان اللي بيلوّن إيّامي وأحلامي بالضحكه. لولاك ما كان للحياة عطر الورد، وتياب الربيع.
لولاك ما كان في حرف بينكتَب،
ولا سطور من نور،
ولا أغاني طيور.لولاك كانت العتمه عا شبابيك، والشارع غريب.كانت الضحكه ما بتحكي. وكان القمر تخبّا ورا الغيم واسودّت الإيّام.انت عندي عيد الزمان اللي راح وبعدو غنّيه بالقلب،وعيد الزمان اللي جايي وأفراح بتغمر أفراح…وهلق أنا عم إكتب إسمك
عا جبيني شمس،
وعا شفافي نغمه، وعالياسمين العالي،لأنّك غالي عا قلبي
يا رفيق العمر الغالي…الرب يعطيك العمر الطويل وتضلّ السعاده بعيونك.وأنا بعيونك وبقلبك
من هون لآخر الحياة،
وبعد الحياة…متل ما إنت
بعيوني وبقلبي للخلود.كل يوم منشكر الله
وكلمة شكر من قلبيبيرتلها الطير وبيغنيها الشجر والوتر مع الأحبّه الغاليين،وأنت حبيبي ،،،،
الأغلى من الغالي،يا حلو ،،،،
على بالي وعا طول السنين.كلود ناصيف حرب⚘