الرئيس الحريري من بيت الوسط لمحبيه : انتوا بتعلموا الوفاء
الشمال نيوز – عامر الشعار
أطلّ رئيس الحكومة سعد الحريري من بيت الوسط على جمهوره ومحبّيه الذين حضروا من جميع المناطق لاستقباله، وتوجّه أليهم يالقول: “هيدي لحظة ما ممكن انساها. هيدي لحظة اللقاء مع الاحباب مع الرفاق، مع الأهل الحقيقيين.
هيدي لحظة الوفا معكن انتو يللي بتعلموا العالم الوفا هيدي لحظة الصدق معكن انتو يللي بتعلموا العالم الصدق هيدي لحظة للتاريخ وللجغرافيا ولحتى يللي الو عيون تشوف…. يشوف ويللي إلو دينان تسمع… يسمع!
وهيدي لحظة القلب قلب سعد رفيق الحريري يللي واقف بيناتكن، واحد منكن، والكن لحتى اختصر كل شي بكلمة واحدة شكرا… شكرا…. شكرا.
شكرا لكل واحد وواحدة فيكن لكل لبناني ولكل لبنانية فهم بلحظة واحدة، شو أهمية الحفاظ على بلدنا وعلى استقرار بلدنا وعلى أمن بلدنا وعلى الأمان لأهلنا بكل لبنان.
إنتو جيتو من كل لبنان لتقولولي الحمد الله على السلامة وانا جايي قلكن: الحمد الله على سلامة لبنان والحمد الله على لبنان، الحمد الله على اللبنانيين، الحمد الله على كل واحد وواحدة منكن.
أنا باقي معكن ومكمل معكن باقيين سوا ومكملين سوا لنكون خط الدفاع عن لبنان وعن استقرار لبنان وعن عروبة لبنان. وهيدا اللقاء اليوم حا يتكرر معكن مش بس هون. حا تشوفوني عندكن بعكار وبالمنية وبالضنية وبطرابلس وبالقلمون وبكل الشمال. حا تشوفوني عندكن بالبقاع، بكل البقاع وعندكن بصيدا وبالجنوب، بكل الجنوب وعندكن بالاقليم وبالشوف وجبل لبنان، بكل جبل لبنان، لندافع سوا عن بلدنا وحرية بلدنا وعروبة بلدنا واستقرار بلدنا”.
انتو اليوم ببيروت مع أهل بيروت، ونحنا كلنا اليوم ببيتكن جميعا بيت الوسط، لنقول كلنا سوا: نحنا أهل الوسط، أهل الاعتدال، أهل الاستقرار، جايين كلنا بعيد الاستقلال لنقول ما عنا اغلى من بلدنا وما عنا الا بلدنا ومبدأنا ما بيتغير وشعارنا حا يبقى لبنان أولا، لبنان أولا، لبنان أولا. عشتم، عاش لبنان”.
