بدعم من برنامج الأمم المتحدة الإنمائي (UNDP) وبتمويل من الاتحاد الأوروبي وشراكة مع جمعية “نحن”, تفتتح بلدية بزبينا درب وادي الدير – عين الجوزات- المغارة
الشمال نيوز – عامر الشعار

بدعم من برنامج الأمم المتحدة الإنمائي (UNDP) وبتمويل من الاتحاد الأوروبي وشراكة مع جمعية “نحن”,
تفتتح بلدية بزبينا درب وادي الدير – عين الجوزات- المغارة
.”بزبينا… مطرح بيستاهل تكون عم تكتشفه”
تعوا لنرجع لدفء الضيعة وجمال طبيعتها البكر! 🚶♂️🍃
لجنة السياحة البيئية في بلدية بزبينا ولجنة شباب بزبينا بيدعوكُن لنهار بيئي مش عادي، نفتتح فيه مع بعض “درب وادي الدير – عين الجوزات- المغارة ”
ونقضي نهار حلو بالهوا النقي والطبيعة الخضرا
🎒 شو ناطرنا بالنهار البيئي؟
🥾 مسير بطبيعة الوادي: المشي بالدرب الجديد انطلاقاً من محمية وادي الدير واستكشاف مناظر طبيعية خلابة
📱تصوير بالطبيعة وتحدي أجمل فيديو insta/tiktok
🧀 تريقة قروية: بعد ما نخلص المشي، رح نجتمع على تريقة قروية بلدية أصلية لتسترجعوا طاقتكم بأطيب لقمة.
🏺 سوق المونة والحرفيات: معرض لخيرات الضيعة من مونة بلديّة وأعمال حرفية ومشغولات إيد من قلب بزبينا
ورح نختم بأغاني ودبكة لبنانية
📌 معلومات النشاط:
📍 بزبينا-عكار
نقطة التجمع : وادي الدير
🗓️ التاريخ: السبت ٢١ ت٢
⏰ الوقت: ٩ صباحاً
👟 شو تاخدوا معكم: تياب مريحة، حذاء للمشي (Hiking Shoes)، وقبعة وأهم شي قنينة لتشربوا من مي عين الراهب النقية.
ℹ️ هيدا النشاط من ضمن مشروع صيف بزبينا البيئي، وتم تأهيل الدرب بدعم من برنامج الأمم المتحدة الإنمائي (UNDP) وبتمويل من الاتحاد الأوروبي وشراكة مع جمعية “نحن”.
ملاحظات : 🙏🏻ساعدونا يكون نشاطنا بدون نفايات بلاستيكية zero plastic…..ناطريكن 🍂🍁