طرابلسي يَعني أصيل

الشمال نيوز – عامر الشعار

** طرابلسي يَعني أصيل

الشاعر نبيل ويزاني العاملي
🇱🇧👑🇱🇧
الأصالة بْتِبْقى بالروح
أبدآ أبدآ مافي بِتْروح
طرابلسي الكَلِمَة الأولى
المِسْك من تِمُّو بيفوح
🇱🇧👑🇱🇧
حَكياتو قصيدة شاعر
كِلَّا رِقَّةْ وْمَشَاعِر
رَحْ يِبْقى الطرابلسي هَيْك
ما بِيهِمُّو المَظاهِر
🇱🇧👑🇱🇧
كَنَدا حَارَةْ بالمينا
خَيراتا مِنَّا وفِينا
الطرابلسي هَيكِ بِيقول
بِيقِلًّكْ هَيْك وْعِينا
🇱🇧👑🇱🇧
حلاوَة الجبِنْ بْ إيدو
الكَوْنْ بِيعَيِّد بيعيدو
عِشْى البُلْبُل والكَلَّاج
عَنْ دَربو ما بيحيدو
🇱🇧👑🇱🇧
نبيل ويزاني