أحلى الناس

الشمال نيوز  – عامر الشعار

* أحلى الناس

الشاعر نبيل ويزاني العاملي

يا ميسا خَصرِك ميَّاس
بيِلمع من خدٍّك إلماس
خَدِّكْ وردِة جوريِّة
شو حلوِة الوردِة تِنباس

خَوخ شْفافِك عبَّا الراس
ميسا الأحلا بين الناس
بِحلم فيها ليل نهار
صارَتْ لعقلي وِسواس

هيِّي للحَلا مِعيار
وهيِّي للسِحر مِقياس
الذهب بلون النار
واقف عَشْفافا حُرَّاس

يا ميمو لمًّا تْميلي
بحِس الكون مقابيلي
شرِبتيني من كعب الكاس
وِفضيتيلي القنِّيني

بالفيحا إنت حبق
وبالمزهريِّة عبق
فاح عطرِك واندلق
من شم شْفافِك سبق
نبيل ويزاني