خواطر مغترب وَإِنَّمَا الأُمَمُ الأَخْلاقُ مَا بَقِيَتْ
الشمال نيوز – عامر الشعار
وَإِنَّمَا الأُمَمُ الأَخْلاقُ مَا بَقِيَتْ فَإِنْ هُمُ ذَهَبَتْ أَخْلاقُهُمْ ذَهَبُوا
الهيئة هيدا لي صار معنا، ذهبت الأخلاق…..
و تستمر المأساة و في كل يوم تُفتح قضايا جديدة و ملفات
و من كثر ما عاملين و مسوّايين فينا ما عاد في مغزّ إبرة يساع جرايمهم يلّي معباية البرّ و البحر و حتى السماوات
و الناس صارت ماشية مسطلة و نمّل إحساسها و تجمّد شعورها من هول الصدمات
و عم تلعن هالزمن الرديئ و الحظ السيئ يلّي جمع بينها و هيك قرطة حرامية و نصابين عاملين عليها زعامات
و الهمّ عمى عقلبهم و تشوشت أفكارهم و بدل ما يقولوا خدوهم عنّا، عم يقولوا للزمان ما عادت فارقة شوف شو لسه عندك هات
لو نظرنا على خريطة البلد من فوق و دققنا بأي مؤسسة خاصة أو عامة لوجدنا الكثير من الإرتكابات
و حتى الدكنجي عم يخربط بالأسعار و المدعوم من الماركات
و لا تتعب نفسك و تدوّر عالسلطة و أزلامها لسّاهم بنفس الطريقة و ألعن، ملتهيين بالسمسرات و الصفقات
و شو بدك تقول لواحد اشتغل طول حياته هو و مرته و جمّع قرشين ليحمي آخرته، بتقلّو يروح يسكن عند أخوه أو أخته، ما إنتوا و مصارفكم خلّيتوا حدا بهالبلد ما لعنتوا إخته.
و الأحلى من هيك إنّو السياسيين يلّي بيملكوا أغلب المصارف هنّي و أصحابهم بيطلّعوا علينا بكل رواق و بقولوا إنّ المصاري راحت ” بالسيستم ” system
و ما تتأملوا إنو يلّي انسرق حيرجع و لازم تتحملوا لأن يلّي سرقوا ما حيرجعوا شي….
لكل المسؤولين يلّي عم يستهونوا بأموال الناس و ردات فعلهم، و لحد الآن عم تنصبوا عليهم و تعطوهم كام مية بالشهر بنصف سعر السوق و أقل،
هول جماعة دراويش و عم يقبلوا معكم…. صدقوني سمعنا كلام من كثير من المودعين يلّي لسه صابرين، بس إذا تأكدوا إنو المصاري راحت فحيطبقوا المثل القائل ( يلّي بياخد مالك خود روحه) و هم كانوا عم يزيدوا عليها إنو ما بس روحه و روح يلّي داعمينه، بقى إذا المال أغلى من روحكم……..و بعضهم قال إذا وصّلوني إلى إن أصبح شحاذاً فسأقول لهم أنتم جعلتوني مجرماً..
#mostafaadib_official#mustaphaadeeb#melhemkhalaf#hassandiab#hassandiabsupporters#paulayacoubian#lebanontimes#lebanon#tripoli#beirut#livelovelebanon#lebanese#livelovebeirut#whatsuplebanon#beiruting#revolution#lebaneserevolution#lebaneseprotest#mauricematta#riadtawkofficial#samy_gemayel#wassefharake
#saadhariri#rima.maktabi#dimasadekofficial#bassamabouzeid#ricardo.karam.officiel#carlos_ghosn_officiel
