ريما جلول الحسيني لوسيم المرعبي: معك للآخر .. صوتي التفضيلي إلك
الشمال نيوز – عامر الشعار
في كلمة جريئة كتبت رئيسة جمعية جنة المحبة ريما جلول الحسيني على صفحتها الخاصة هذه العبارات الوجدانية في رئيس لائحة النهوض لعكار المحامي وسيم المرعبي قالت فيها :
معك للآخر .. صوتي التفضيلي إلك ..
يا ريت الناس بتفيق بقى وتعرف تنتخب الأشخاص الصح ..
وسيم المرعبي المحامي الشاب الآدمي الخلوق إبن البيت الأصيل ..نائب رئيس الجامعة المرعبية اللي بيرأسها رجل الخير صاحب الأيادي البيضاء المهندس غسان بك المرعبي اللي مؤسسته هي بمثابة جمعية خيرية عكارية لكل أبناء عكار .. ولا يوم إلّا وكانت أبواب هالمؤسسة مفتوحة للخير للمساعدات الإنسانية .. إذا بدكم تغيير حقيقي ونغيّر هالأوضاع المأساوية اللي وصل إلها بلدنا .. انتخبوا الناس الصادقة الأمينة على مستقبل أولادنا .. لا تبيعوا أصواتكم .. يا ناخب صوتك كرامتك .. اللي بيشتري صوتك مش رح يحترمك وحقه ما يرد عليك لو قصدته لأنه بيكون دافع حقك سلف .. فيقوا بقى ..فيقوا قبل ما تندموا بيوم لا ينفع فيه الندم ..
