كرامي: المؤسف المرفوض الذي حدث بمدرسة الانطونية
الشمال نيوز – عامر الشعار
تعليقاً على الاخبار المتداولة عن التصرف المؤسف المرفوض الذي حدث بمدرسة الانطونية:
مع الاسف العنصرية المتجذرة بالمجتمع اللبناني مقيتة وقاتلة
و المطلوب معالجتها ليس فقط بالكلام بل بارساء القوانين و تطبيقها يلي بتمنع اي كان من التعدي على حرية المعتقد و الدين و بتحمي حقوق الإنسان منعاً لتفاقم الامور الى ما لا تحمد عقباه, فقد آن الاوان لبناء وطن خالي من الكراهية، الجميع متساوي فيه تحت سقف القانون و الدستور.
ولكن مع الاسف من هم بالسلطة بمكان آخر و همهم الحفاظ على الكرسي و الهروب الى الامام بكل المواضيع بدون انهم يتحلوا بصفة المسؤولية لمواجهة اصغر تفصيل فكيف بالمسائل الاساسية الكبرى.
بيوم من الايام كنت بدولة صديقة و اكتشفت انه اي شي بتطلبه الجواب بكون كلمة باشر ( بكرا ) بتجي تاني نهار و بتسأل يا فلان ليه ما خلصت يلي وعدتني في ، بجاوب بتامر باشر بخلصه و هيك بينتهي العمر و الوعد ما بصير حقيقة لان بعد في باشر ما في اليوم و نفس الاسلوب عمبيتبعوه جماعة الهروب الى الامام بتقلهم عنا مشكل بقلك منحله بكرا، بتمر ال ٤ سنين بيرجع بيترشح و بيعمل برنامج انتخابي ليطبقه بكرا.
و هل الشي بينطبق على المشكل مع اهلنا بالخليج العربي بتقلهم يا جماعة الخير في مشكل اساسي و عمبيتفاقم و قضية الوزير قرداحي صارت تفصيل صغير بأزمة اكبر، تداعياتها كارثية على البلد و اليوم اصبح المطلوب الحل يطلع تحديداً من عندكم ، بيجيك الجواب ليه مستعجل بكرا منحله اليوم عمنعمل استشارات.
وليد معن كرامي
