أمِّي ….!!

الشمال نيوز  – عامر الشعار

** أمِّي

إمِّي يا نور عُينَيِّي
يا أحلى قطعة فيِّي
شو فيني اهديكِ بعيدك
وإنتِ نفسك عيديِّة
🎻🦜🦋
إمِّي روح الحِنَّية
تحفِةْ ربّ البريِّة
بالسما بْشوفا ملاك
بتِمنع عنِّي الأذيِّة
🦋🦜🎻
إمِّي الحُبُّ لْمالو حَدّْ
والخَيرات لْمَا بْتِنْعَدّْ
لو حطوا لخيراتا سدّْ
بتِبقى كِل القضيِّة
🦋🦜🎻
إمّي ما إلها ندّ
مَتلا ما بيولد حد
انجد الجَدّ إمِّي الوعد
وَحدا الماسة الطرية
🎻🦜🦋
رَح غنِّيلِك غَنِّية
حروفا دموع عَينَيي
بلكي بشوف عَينَيكِ
وبتِتْغذَّا روحي شويِّي
🏆🥇👑
نبيل ويزاني 🦜❤️