أحفادي
الشمال نيوز – عامر الشعار
* أحفادي
الشاعر نبيل ويزاني العاملي
الورد ساكن عاخدا
والبدر واقف حدا
هايدي الحلوة الأمورة
يلي إسما أماندا
❤️❤️❤️❤️
صباحا ورد وجوري
مِتل الزهر المنتوري
ويا دنيا عا جمالا
يا دنيا لفي ودوري
❤️❤️❤️❤️
وهلفرحة مش معقولِه
وتِبْقو إنتو قولولي
إلا بوجود الأمير
الحلو لإسمو نبُّولي
❤️❤️❤️❤️
الصورة لما بْتِتْجَلَّا
بِتْضوِّي الدِنيا كلَّا
مش ممكن هيذا يصير
آلا بسحرِك أنابلّا
❤️❤️❤️❤️
الدنيا صارت مفتونا
وحلوة كتير وميمونا
وصارت أحلى بِكْتير
بِوجودَك يا حسونا
❤️❤️❤️❤️
هَوْ أحفادي الاربعة
أحلى مْنِنجومْ السبعة
والقعدة معهم بتصير
كاني شيخ الربعة
❤️❤️❤️❤️
أطهر من يوم الجِمعة
وانقى من روح الدمعة
بِوْجودُن ما بِشرَبْ مَيْ
إلا من راس النبعة
❤️❤️❤️❤️
سِتُنْ بِتْحِسَّا سبعَة
وجِدُّن اْسُود مِجْتِمْعَة
وهذا كلو ما بيصير
إلا بْقِوِّةْ هلجعة
❤️❤️❤️❤️
ألله يخليلي ياكن
وينجحلي مسعاكن
بتمنى كمل عمري
وإبقى أنا وياكن
جدو نبيل ❤️❤️❤️❤️
