أنابِلَّا

الشمال نيوز  – عامر الشعار

* أنابِلَّا

الشاعر نبيل ويزاني العاملي

البَدَر بْجَمِالو تْجَلَّا
وضوَّا عالدِنْيي كِلَّا
لكن اليومْ اسْتقالْ
لَمَّنْ خِلقِتْ أنابِلَّا
🙏🏾❤️🦋💫
أحلا وردِة مَسْحورَة
وبْجَمالا أمُّورة
هِيّي هيٍي أنابلا
الجَمال بْسٍحرا تْحَلَّا
🙏🏾❤️🦋🦜🇱🇧
وردِة من أحلا الوردات
مزروعة بأحلى جْنَينات
نْقَطفِتْ من حقل الأزهار
النظر منها بيتملا
🙏🏾❤️🇱🇧🦋🦜💫
بِتْسِر القَلبْ المهموم
وبِتْبَدِّد كِلْ الغيوم
نجمك من أحلى النجوم
القمر من بعدا وَلَّا
🦜🙏🏾❤️✨💫🇱🇧
أنابِلَّا يا قلبي
ضويتي عتمِةْ دربي
بعدِك مافي حُبّ
إنتِ حقيقة حُبّي
💞🇱🇧❤️💫❤‍🩹❤️
ويا نسمات لبِتْهِبّي
بتمنَّي تِبْقي جَنبي
نِتْهَنَُا بْعاروستنا
لِي هِيِّي النجم الأعلى
❤️🙏🏾💞❤‍🩹🦜🦋
لمَّا هلقمر بَدَر
ونورو عالدٍنيا نَشَر
منا بحاجي لنورو
إنتِ أحلى من القمر
❤️🙏🏾💞🦜❤‍🩹🇱🇧✨
إنتِ قِصَّة وحكايِة
أجمل وأروع من آية
جمالك هُوُي جايي
من سحرِك يا أنابِلا
❤️🙏🏾💫❤‍🩹🦜
أماندا إخت الحلوين
وهيي من عطر الياسمين
أحفادي مافي مِتْلُنْ
خلقو من فجر التكوين
🦜🙏🏾🙏🏾🙏🏾🙏🏾🙏🏾🙏🏾🙏🏾
كل الكون إتحلَّا
الورد قال ماشالله
أنا وستا صرنا نقول
الظاهر خلقِتْ أنابلا
🙏🏾🙏🏾🙏🏾🙏🏾🙏🏾🙏🏾🙏🏾🦜
حبيبة إمَّا وبيّا
الشمس بْظِلّا بْتِتْفَيّا
جايي من مشوار بعيد
وجاري بي ئيدا خَيَّا
جدو نبيل