خواطر مغترب والاتفاق العار

الشمال نيوز – عامر الشعار

الاتفاق العار
وأخيرًا وبعد طول انتظار وصلنا زاحفين للاتفاق العار
اللي تخلينا فيه عن حقنا بكاريش الحقل الجاهز للانتاج وفيه ثروات بأكثر من مئة مليار $.
وأعطينا للعدو أغلى وأكبر هدية باتفاقات سرية وما حدن عارف اللي صار
والظاهر أنو أبو الصعب صعّبها كثير عليهم ودوخهم حتى قبلو بهالقرار
وشو عليه إذا أعطيانهم هدية ففرح العطاء طلعت من عنا هالجمعية
وهيدي هدية حسن نية حتى يتركونا نمَشي حالنا ونوقف الانهيار
وهو بقول نحن ما تخلينا عن خط ال٢٩ ولسه في كثير نقاط عالقين.
والظاهر أنو جحا كان معهم حاضر ودق بالاتفاق شي مية مسمار
بس بدنا نفهم تخليتو عن خط ال29 ولا ما تخليتو وخبرونا شو صار
وليش كل شغلكم بالعتمة ما الكهربا بايدكم ليش ما بتضووها وبتشتغلو على ضو حتى الناس تفهم ويمكن يساعدوكم بشوية أفكار
بس انتو ما بتسمحو لحدا يدخل على دائرتكم السرية
واللي هي بتوزع الأدوار ويلي تقاسمتوها على مدى ٣٠ سنة ووصلتو البلد للدمار.
ولو من الأول اشتغلتو صح وأرسلتو التعديلات للأمم المتحدة لتثبيت حقنا بخط ال 29 بعدما تحديتو بعضكم لتوقيعه ووصل للقصر الجمهوري ونام بالجرار
واليوم الكل مبسوط وعم يعلن أبوته لهذا الانتصار
فهل يعقل أن أحدًا يحتفل بخسارته لأكثر من مئة مليار دولار
نعم فهذا يتوقف عن مين خسر ومين قبض تمن الخسارة
ودولتنا اللي الكل يسميها مغارة علي بابا
أما نحن فنسميها مغارة الأسرار
أخيرًا فرجال دولتنا لطالما اعتدو على فرح الناس واختصرو مصالح الدولة بأنفسهم
وكل نجاح آخر يفرض عليه الحصار
ويحولو کل بارقة أمل للنجاح والازدهار إلى مأساة وانكسار
المال السايب بعلم الناس الحرام
لما منتنازل عن 2400 كلم للعدو الاسرائليي
كيف بيبقى النا عين نطالب إخوانا السوريين اللي أخذين بس ٧٠٠ كلم من منطقتنا الاقتصادية البحرية بالشمال
ولا أصحابنا القبارصة اللي ما بعرف قدیش مخبصين ومن مياهنا آخذين
بتتصور قديش منکون خسرانین
وقدیش بيصعب عليها نرد الطمعانين