لااااااااااااااا خلصنا بقا…
الشمال نيوز – عامر الشعار
لااااااااااااااا خلصنا بقا….ما بقى يسوى انو تحت حكم الفاسدين نضلّ، يا هني يفلّوا يا نحنا منفلّ
إدارة البلد اهتريت و صار بدها تبديل و غيار
يبدلوها بناس أصيلة و أمانتها ما عليها غبار
و ما بيكفي تغيّر مدير و تحط محله مدير، لازم الكفاءة و الأمانة تكون هي المعيار
و ما خربها إلا السياسي الشاطر اللي عامل فيها سمسار
و فاتح بيته للمقاول و التاجر و الحرامي و من كل صفقة إلو منهم عمولة و عم يقص طالع نازل مثل المنشار
و الرشوة صارت بكل البلد عادية و مقبولة و صاروا عم يدلعوها و يسموها عمولة
البلد صارت هريانة و كلها بحاجة لصيانة
و ورشهم كلها سرقة و خيانة و ما بينصرف فيها دولار إلا بكون وراه سمسار
و الفساد و الرشوة عمّت كل البلاد حتى اللي بورّد اللوازم للدولة و القرطاسية إلو هدية
و اللي بغيّر لمبات الإضاءة بالشوارع إلو إكرامية
و لا سد الجور بالطرقات و الزفت و التزفيت هيدي لوحدها غنيّة
و من سنين و من أيام الحرب لما دخلوا عالحكم قسّموا و تقاسموا المناطق و حوّلوها لتنفيعات محمية
و ما حدا بيقدر ياخد عندهم رخصة أو ينفذ مشروع أو يكسب قضية
و الاحتكارات للسلع و الأدوية اللي وزعوها بيناتهم بوكالات حصرية
و اللي مكّنتهم بخنق الناس بأسعارهم الجنونية
و منعوا على غيرهم رخص الاستيراد و بهذا أُلغيت من النظام الحر التنافسية
و مصانع الاسمنت أعطوها حق الاحتكار و منعوا الناس من استيراده بالسعر العالمي ب ٣٨ دولار قبل الأزمة و كانوا عم يبيعوه فوق المية
و مصانعهم تنفث السموم و خاصة بالليل عندما يفتحوا الفلاتر و يعرّضوا صحة السكان و المخاطر البيئية
ندفع ٣ أضعاف ثمن الاسمنت المحلي المحتكر مما يزيد كلفة بناء الشقق السكنية أكثر من ٣٥٪ مما يصعب الشراء خاصة على الشريحة الشبابية
و الشرح يطول لأنهم لم يتركوا صغيرة ولا كبيرة من مصالح الشعب إلا و انتهكوها و هذا بحق المعنى الحقيقي لانتهاك الميثاقية
و ليس ما يهذي به تجار الطائفية الذين دأبوا على ادعاء تحصيل حقوق طوائفهم فالنتيجة أنهم ملأوا جيوبهم و مَلْيروا على حساب دمار البلد و إجبار الكثير من أبناء طوائفهم على الهجرة القسرية
الواقع أن كل الاحتكارات و الوكالات الحصرية تملكها المجموعة ذاتها التي دهورت الاقتصاد، خاصة البنوك التي شرّعت لنفسها بمساعدة مصرف لبنان بكل أنواع الخدع و النصب على شكل تعاميم لاستنزاف أموال المودعين التي هي أمانة عندهم، و جعلوهم يستجدوهم و يسترحمونهم للحصول على أي مبلغ بخسارة ٨٥٪ أي ١٥ سنت لكل دولار.
على ضوء هذا الواقع، لا نستطيع أن نكمل معهم و لا نستطيع أن نؤمنهم على أملاكنا و على سلامة وطننا، و حتى إذا حاولت أي دولة مساعدتنا فإذا هم قاموا باستلام إعادة الإعمار فسيبددوا الأموال و يسرقوا أغلبها لأنهم لا يعرفون إلا الدمار و ليس لهم دخل بالإعمار.
و هنّي فاسدين…. لااااااااااا خلصنا بقا، ما بقى يسوى انو تحت حكم الفاسدين نضلّ، يا هنّي يفلّوا يا نحنا منفلّ…. بس نحنا أصحاب البلد و لازم نضلّ تنرجع نعمّر و ترجع البلد للكل، هنّي اللي سرقوا و نهبوا البلد و إذا بقيوا بلانا فمحيعرفوا يبنوا شي و حيقولوا كعادتهم ما خلّونا أو الشعب ما خلّانا.
و أخيراً، اقتراح عملي… ما لازم نخلّيهم يفلّوا و يهربوا بأموالنا و لازم نحطهم بحديقة داخل أقفاص حديدية حتى كل أب يجيب أولاده ليتفرّج عليهم و يعرّفهم انهم هول يلّي سرقوا مصرياته، حتى إذا صدف و مات الأب قبل ما يرجعوله مصرياته، الإبن بيعرفهم و بلاحقهم…و إذا هني فاكرين حيقدروا يهربوا من المودعين فهم كتير غلطانين…..
