إغتراب
طل الصيف، وما طلّو المغتربين!
الشمال نيوز – عامر الشعار
كتب الاعلامي والشاعر الزميل سايد مخايل من سيدني على صفحته الخاصة مقالا” بعنونا : طل الصيف، وما طلّو المغتربين!
قولَك خسرنَا رجعة بلادي
لْ كانت بفصل الصيف معتاده
بصدرا ، تضم ولادها وتقول
يا ريت فيِّ جمِّع ولادي …
اللي تْطيشرو ب هالعالم المجهول
وكل يوم منهن بخسر زياده
وابني اللي باقي مكسّر ومذلول
بيشحد حقوقو بموطنو شحاده…
كانو يجو …يزقزق شهر ايلول
ويفرشلن التينات زوادي
وعنقود اشقر مستوي ومعسول
وكمشة هوا من جردنا الهادي
ولبنان يبقى بالفرح مجبول
و”قطعة سما” بِ بصوت “بو فادي”
وضلّو بِ هالقطعه يشدو نزول
ت دحرجوها عَا الف وادي
ورغم الظلم لبنان ما بيزول
بعمرو الأرز ما شك راسو نزول
ولا الشعب رح يحني.. ولا بلادي …
