خواطر مغترب ورجعت حليمة لعادتها القديمة

الشمال نيوز – عامر الشعار

إنها حليمة بعينها و ما غيرها يلّي أخدتنا و جابتنا مرات و مرات، و بالآخر رجعت لعادتها القديمة
و هالمرة أعادوا الكرّة و أقوى من كل مرة، و معها رجعت كل عيلتها لحليمة
يا بتعطونا لي بدنا ياه و بتقبلوا بيلّي بيبقى من الغنيمة
يا أمّا نحنا جوّا و أنتوا بتضلّوا برّا، و ما حيطلعلكم حصة من هالوليمة
شو صار لحتى وصلنا لهالحالة المرّة، الكل بدو يهبش و ينهش من الدولة و إذا ما قدر بيعتبرها إهانة إلو و هزيمة
و هالمرة أوضح من كل مرة، سمعنا منهم كل يلّي عم بدور برؤوسهم من أطماع و نفوسهم الأمّارة بالسوء و نواياهم السيئة و ضمائرهم الميتة و اللئيمة
و تأكد لنا أنّ هدفهم لدخول مجال الخدمة العامة كما هو متعارف عليه ليس إلا الرغبة بإشباع جوعهم و نفوسهم العديمة
متناسيين أنهم في المرة الماضية أخذوا كل ما في الخزينة
و لم يبقَ ما يُسرق أو يُنهب غير الديْن العام و سندات الخزينة
فلطالما طالبنا أن تُعطى للطوائف حصصها كاملة من الديْن العام حتى يُوفى الديْن و يُسد عجز الخزينة
#mostafaadib_official#mustaphaadeeb#melhemkhalaf#hassandiab#hassandiabsupporters#paulayacoubian#lebanontimes#lebanon#tripoli#beirut#livelovelebanon#lebanese#livelovebeirut#whatsuplebanon#beiruting#revolution#lebaneserevolution#lebaneseprotest#mauricematta#riadtawkofficial#samy_gemayel#wassefharake
#saadhariri#rima.maktabi#dimasadekofficial