الرئيسية / إغتراب / الزميل سايد مخايل عندما يكتب عن صديقه الآدمي خليل طرطق

الزميل سايد مخايل عندما يكتب عن صديقه الآدمي خليل طرطق

الشمال نيوز – عامر الشعار

وسام “الآدمي”

كتب مدير الوكالة الوطنية في سيدني استراليا الزميل سايد مخايل كلمات خاصة بتكريم  صديقه خليل طرطق لمناسبة نيله ميدالية استراليا قال فيها

الشجره العتيقه لْ كلّها هيبه ووقار
بتحن عالغصن الطري مهما علي
بتدوب ت تعطيه نفحة أخضرار
وارقى المراكز ب حياتو يعتلي

وهيك “سلمى” ام هالناس الكبار
وام عيله بالجذور مأصله
و”بولس” قبل مده ب دنيا الحق صار
وعن يقشع العيله باحلا مرحله…

ويا خليل ل ما عرفت الإنكسار
رحلة حياتَك بالنضافه مرسمله
ما في حدا ع سيرتَك يشلح غبار
انسان بالإيمان قلبو منتلي
عشت العمر كلو بعز وافتخار
وأكبر فخر تمثال هاك “السبعلي”..

الشاعر ما بدو كتير يبرم عالكلام
ومنّو بحاجه بالبراعه يحتمي
ت يقول عنك انت رمز الالتزام
وللكنيسه ومار شربل منتمي

لكن بحاجة يقول عنك بالصيام
كلمة ب نفخه من الحقيقه متممي
يمكن انا ما همنّي تحمل وسام
بيهمني حامل وسام الآدمي …

في تكريم الصديق خليل طرطق لمناسبة نيله ميدالية استراليا
سيدني ١٥/٣/٢٠٢٠

عن amer shaar

شاهد أيضاً

كتب الأستاذ طارق طالب عبر التويتر: حكومة ساقطة

الشمال نيوز – عامر الشعار كتب الأستاذ طارق طالب عبر التويتر: #حكومة_ساقطة خُلقت بتراء من …