أخبار عاجلة
الرئيسية / إغتراب / إنت كل الناس بعيوني

إنت كل الناس بعيوني

الشمال نيوز – عامر الشعار

*إنت كل الناس بعيوني*

كلود ناصيف حرب

إبتسامتي شعاع حقيقي
من أشعة الشمس
وانت الشمس …

إبتسامتي نور دافي
بعتمة الليالي وانت قمري …

إبتسامتي نسمة رقيقة
عا جفوني وإنت عيوني ..

إبتسامتي سحر جمالي
وإنت رونقها ..

إبتسامتي سر وجودي
كانت منك وإلك …

لا تسألني
لمين أنا بكون
يا نور العيون ..

ليش هالعيون زعلانين؟
قولك مني
أو من عذاب السنين؟ …

إنت كل الناس بعيوني
والناس غيرك خيالات
عالارض ماشيين.

يا ساكن بعيوني
وما بشوفك بعيوني.

برضى بالقليل
والنطره من زمان طويل.

وبتكفيني هالابتسامه الحنونه…

ومعليش.. معليش.. .
بالأحلام إيديك يغمروني.
***
وين الصورة؟
كل مرة بسألك عنها…
وبنطرها منك متل كل مره .

بتعرف شو ؟
هالمره ما عاد رح أسألك
لأنك أنت صورتي ومرايتي
وكل حكايتي ..

يمكن انطر منك شي ورده وغنيه وهديه

وكمشة قصايد بتحكي
عني وعنك…

كلامك أحلى صوره وابتسامتك بتكمل الصوره..

بشوفك وين ما كنت
لوحه حلوه
وبشوف بعيونك
صورة عيوني…
يا أغلى من عيوني.
وهيك #بحبك
***
*حكايتنا متل مَوج البحر*

بعدني عا وتر الحلم
عم أعزف أمنيه

عم لحِّن أمل
وعم اكتب نغم
ورتل أشواق…

كيف بخبرك إنك العالم
وكيف بقلك قديش بحبك…
كيف كيف؟

حكايتنا متل موج البحر ..
لحظه الشوق بيجمعنا
ولحظه ع شط الحب بيشلحنا. ..

وبتبقى إنت إنت
كل الحكاية
وبقلبي مخبايه ..
وهيك #بحبك .
***
الورده…
مش رح يمحيها الشتي

رغم الوجع…
رغم البعد…
رغم الشعور بالخيبه.

زرعتها بقلب نقي…
قلب ما بيتغير.
هوي الك وحدك
إنت إنت إنت.

يا قمري اللي بعيوني
عم يسهر…

وبحبو اكتر من روحي..
وكل يوم بحبو أكتر.
***
كتاب الحنين
وشموع مضويه

والقوضه الزغيره
فيها أنا وإنت
وعطر الياسمين…

وهيك بحبك أنا
يا كتاب عمري.
يا حكايه …
ما بتمحيها السنين.

الغالي اللي بيتو بالعالي
قلبو حديد.
ولا مره بيفكر
يمسكني بأيديي
ويحكيلي قصة حب جديده…

وأنا سافر بالخيال
عا مدينه بعيده
خلف الجبال.

هيك بدنا نبقى؟
نشتاق…
تتعذب ونشقى؟
مره يا عمر تجمعنا…

بس تا يتطلع بعيوني
ويقلي كلمه حنونه

حبيبي هوي حبيبي..
وهوي القمر اللي سارح
فوق جفوني.
وهيك #بحبو.

كلود ناصيف حرب
سيدني أستراليا

*ملاحظة جميع أعمال كلود صدرت برعاية مشروع الأديب د .جميل الدويهي أفكار اغترابية، ومنشورة على موقع أفكار أغترابية.
الإِعلامِيَّة وَالأَدِيبَة المَهجَريَّةَ
#كلُود_نَاصِيف_حَرب
_مُؤَسِّسَة “بُستَان الإِبدَاع*
_مساهمة في مشروع الأديب د. جميل ميلاد الدويهي مشروع أفكار إغترابيّة للأدب المهجري الراقي أستراليا
_عضو شرف في نقابة ممثلي المسرح والسينما والإذاعة والتلفزيون في لبنان.

عن amer shaar

شاهد أيضاً

الدكتور جميل الدويهي: هيدي حياتي (المدوّر العاميّ)

الشمال نيوز – عامر الشعار هيدي حياتي (المدوّر العاميّ) هَيدي حياتي كتبْتها ومحَّيتها، تا تسمعي …