أخبار عاجلة
الرئيسية / إغتراب / *إنت أمير حناني

*إنت أمير حناني

الشمال نيوز – عامر الشعار

*إنت أمير حناني*

#كلود_ناصيف_حرب

صباح متل قلبك.
محتار شو بختار،
حرير الخياطين
أو حرير الأسرار.
شو بدي بالقصر العالي،
أنا وإنت يا غالي،
وضحكة عيون سود كبار.
***
ما شفت متل هالورده.
كيف الله خلقها هيك،
بالصيف وبالشتي،
لا بتدبل ولا بتتغير؟
وكل ما تشتاق لعيونك بتلبس لونها الأحمر.

***
بتشتي الدني قلوب…
وحبيبي معي صفا الايام.
وانا وهوي حكاية وفا…
وحبر عيون سهرانه ما بتنام.
وهيك انا #بحبو.
***
وين هالغيبة؟
اذا كنت مشغول
ما بتحاكينا.
واذا كان عندك وقت
بتنسى أسامينا.
يا عيونك الحلوين
هني قصيدتين حب..
هني شطوط من حبر اسود ما لهن مينا…
ونحنا اذا غرقنا…
مين يا حلو
غير اللي غرقنا.. بينجينا؟
***
نبض الورد إنت ..
خلف كل نظرة شاردة
سحر عيونك إنت …
حكايات وحكايات
إنت وإنت
عجزت الحروف عن ترجمة كلمة وهيك #بحبك …
لأنك إنت إنت .
***
مساء الياسمين
يا رموش الغاليين.
يا فكرة عميقه
بكتاب الحنين ..
حبي الك بحر
وسما ونجوم عاليين.
وأكتر من هيك #بحبك ….
يا أحلى الحلوين.
***
عم فكر فيك
يا قمر الليل
قولك الحلو
فاكر ليالينا ولا ناسينا .
***
هيك نحنا، منضحك… وبتضحك مطارحنا.
***
عا شباكي رسمتك،
عا أحلامي رسمتك… عالدفتر الأزرق…
عا نغمة بيانو
من أيام الطفولة،
تا يبقى حبّك موسيقى،
وكلمة حبيبي
قد السما والأرض…
وهيك #بحبّك”..
***
الموسيقى والحب
سمفونيه واحدة.
وقديش غنّو عن الحب؟ وبعدو الحب موضوع الموسيقى… وما بيفترقو.
***
بيلبقلك دهب الكلام ….
يا ضحكه أغلى من الدهب.

#سيدة_الحنين
#كلود_ناصيف_حرب ⚘

عن amer shaar

شاهد أيضاً

الدكتور جميل الدويهي: هيدي حياتي (المدوّر العاميّ)

الشمال نيوز – عامر الشعار هيدي حياتي (المدوّر العاميّ) هَيدي حياتي كتبْتها ومحَّيتها، تا تسمعي …