الرئيسية / إغتراب / حروفٌ لا تموت

حروفٌ لا تموت

الشمال نيوز – عامر الشعار

حروفٌ لا تموت

( كتبوا عن سيدة الحنين كلود ناصيف حرب وبرعاية مشروع أفكار إغترابية )
كتب الأديب الغالي
د. جميل ميلاد الدويهي
العبقري اللبق عميد الأدب المهجري الراقي في أستراليا
🌿🌿🌾
حروفي المتواضعة
إلى الإعلامية والأديبة
كلود ناصيف حرب
في عرس الأدب المهجري
عرس الكلمة ١
(وأمسية كلمات من أعماق الحبّ 2017)

كلمِه سكبها الليل عا شفاف الكَمان
يا كلود مش من حبْر بيت الشِّعر كان…
عْصافير خضْر تمرجَحو بقلب الكتاب
تا صار حَرف الأبجديّه مهرجان…
والحُبّ هوّي تْنين
غرْقو بالضَّباب
وشْفاف لبْسو من حَنين، وأرجُوان…
في ناس كتْبو كْتير
عا وراق الغيابْ
دبْلو الكتب،
واصْفرّت وراق الحكي
وكتاب حُبّ كلود…
خالد بالزَّمان.
________

لْزحله،
سَعيد العقل عم يسْكب حلا
كاس انْدلق عا شْفافها، وكاس انْتلى
وكلما عا غصْن الحور يتْسرّق قمَر
رسمِه عا وجّ النهر…
بيصير الفَلا…
يا كلود حَرب تغَزّلي،
وجيبي صُوَر
تا الحِبْر يلْعب سِحر،
ويقلّك هَلا
وتا نقول نحنا بالمفيد المختصر:
ما زال معْبد رُوح تاني هالكْتاب
نحنا بْمعابد رُوح منحبّ الصّلا.
________

قدّيش حِكْيو شعر
عن حُبّ الكبير…
وحُبّك ربيع،
وزهْر أبيض عالغدير…
حبّك حنين البحر
للشطّ البعيد
حبّك وعد مكتوب
عا شال الحَرير
عُشّاق مرْقو كتير ببيوت القَصيدْ
لولا الهوى
شو كان هالعالم فـَقير!
وعالأرض عاشو ناس
قلبُن من حديد
كيف انخلقتي هيك قلبِك من دهب…
كلما شهَق للحُبّ،
بينقّط عبير؟
________

خايف يا هالبيّاع
من باني وبني
لا تسْرق
من حْروف شِعر مْلوّنه
وْتاخد كِتاب الأخضر
اللابس ربيع
تا تْبيع مِنّو بالمَزاد، وتغْتني…
ولولا الحرْف
مكتوب بالخط الرفيع
بيكون بحْر كبير…
وشْهور السِّنه
وعندي سؤال مْحيّر عقول الجميع:
يا كلود كِيف كتاب من حِبر… وورق
هلقدّ هوّي زغِير
بيساع الدِني؟
___________
جميل الدويهي – مشروع أفكار اغترابية Project Diaspora سيدني 2017

عن amer shaar

شاهد أيضاً

عالم الأحلام,وأحلامك أنا

الشمال نيوز – عامر الشعار *عالم الأحلام,وأحلامك أنا* #كلود_ناصيف_حرب إبتسامة أشواق. شلال حنين.. زهر وشتي …