الرئيسية / اقتصاد / أخبار اقتصادية / بلال حمزة: في وطني الفاجر أكل مال التاجر وعلى عينك يا مواطن

بلال حمزة: في وطني الفاجر أكل مال التاجر وعلى عينك يا مواطن

الشمال نيوز – عامر الشعار

قال رئيس مجلس ادارة شركة البرقان لتجارة مواد البناء بلال حمزة في بيان نشره على صفحته الخاصة :

*بسم الله الرحمن الرحيم*

*اول شي بدي أتوجه بالتحية لأرواح الشهداء يلي سقطوا بإنفجار مرفأ بيروت واتمنى للجرحى الشفاء العاجل*..
*هيدا قدرنا في لبنان ندفع ثمن الفوضى والفساد والدمار والسمسرات يلي ارتكبوها المسؤولين بهل بلد .. هيدا قدرنا بهل بلد يلي كل سياسي وزعيم ومسؤول ايدو ايلو .. هيدا قدرنا الفاجر بياكل مال التاجر وعلى عينك يا مواطن* ..

*اخوتي واهلي وناسي وجيراني بعكار والشمال وكل لبنان* ..
*بعد هل نكبة يلي ضربت ودمرت العاصمة بيروت ، وانتوا بتعرفوا انو اديش صارت بيروت بحاجة لإعمار وترميم وتأهيل .. وأساس هل شي مواد البناء والاسمنت … وهيدا اساس شغلنا وعملنا مع شركة الترابة الوطنية – اسمنت السبع – يلي عم تواجه حرب ومضايقات وكيدية من كل المسؤولين .. وبهل وقت بعدها الشركة ملتزمة بتسعيرة الطن الواحد 266 الف ليرة .. لكن دولتنا يلي مكربجة تاركي الدني سايبي لتجار السوق السودا والتجارة بالاسمنت المهرب من سوريا .. صار سعر الطن بمليون واربعمية الف ليرة بسبب إهمال واقفال شركات الاسمنت في لبنان .. واستغلال الناس وخصوصي الناس المنكوبين في بيروت بلا حسيب ورقيب .. *ما رح نسكت على هل عم يصير*..
*بدي أسأل هون انا كتاجر ومواطن* .. *مين يلي مسؤول عن هل الفوضى .. دولتنا قتلت شعبا ودمرت بيروت وعم تحارب الصناعة اللبنانية وعم تاجر بلقمة الناس* .. *شو بقي من لبنان .. شو بقي من الصناعة الوطنية .. دايما” عم ربحونا منيي عالاعلام انو سمحوا للشركة الشغل بالمقالع .. وتاركين بعض السياسيين الفاسدين والمحسوبيات تشتغل على ذوقا*
*نحنا اليوم مع الصناعة الوطنية وما رح نسكت على هل الفوضى وبدنا نحارب التهريب وبدنا نحمي صناعة الترابة الوطنية كرمال أهلنا بعكار والشمال وبيروت المنكوبة* ..
*وبطلب هون من كل المسؤولين واصحاب الضمير والوزارات المختصة تشجيع ودعم شركة الترابة الوطنية – اسمنت السبع وكل شركات الترابة ومنع الفوضى والتهريب .. *واكيد نعمر بيروت يد بيد بإذن الله*..
*ورح قول لبعض المافيات والتجار والفجار ؛السبع لبناني ابا” عن جد وبابو رح يبقى مفتوح وممنوع يتسكر* ..
*عشتم وعاشت الصناعة اللبنانية وعاش لبنان ورحم الله الشهداء وللجرحى الشفاء العاجل … والسلام عليكم ورحمة الله وبركاته*..

*اخوكم بلال حمزة..*

https://m.facebook.com/story.php?story_fbid=3369051096484392&id=100001386058596&sfnsn=mo&d=n&vh=i

عن amer shaar

شاهد أيضاً

الناشط الاجتماعي علي حموضة وإخوته يهنئون بتكليف الحريري : انت الضمانة

الشمال نيوز هنأ الناشط الاجتماعي علي حموضة وإخوته بتكليف الرئيس سعد الحريري تشكيل الحكومة.. املا” …